"FLATMATES"
ni Ralph
Author's Note:
Maraming Maraming salamat po sa mga bumasa at naka-appreciate ng Chapter 1. Ito na po ang Chapter 2. Sana magustuhan niyo. :)
Hindi ko pa natatapos isulat ang "Flatmates" so baka hindi ganun kabilis magpost ng update. But don't worry, I'll make it a point na kaabang-abang ang mga susunod na kabanata.
Huwag mahihiyang mag-iwan ng komento o suggestion. :)
Muli, Maraming-maraming salamat!
Chapter 2: "Miss India"
Bumukas ang pinto. Pumasok si Paolo. Hulas na hulas. Pabalagbag niyang nilagay ang itim na backpack sa sofa kung saan naka upo si Geoff. Nakapatong sa mga binti ang laptop. Nag-eedit ng pictures.
Umupo sa sofa si Paolo. Bumuntong-hininga.
“Ano na namang problema mo?” tanong ni Geoff. Nakatuon pa din ang atensyon sa ine-edit na mga pictures.
Hindi sumagot si Paolo. Sinulyapan siya ni Geoff. Naghihintay ng kasagutan ang mukha nito.
“Yung taong kinasusuklaman ko at hindi ko pinangarap pang makita, nagparamdam na naman sakin.”
Bakas sa mukha ni Geoff na mas lalo siyang naguluhan.
“There was this guy named Jake. We used to date for a couple of months. Alam mo yung parang kayo, kaya lang walang confirmation." tumango si Geoff. "Kaya lang, biglang nag-disappear si puta. As in missing in action. Hindi ko na ma-contact. Hindi na gumagana yung number niya. Lahat ng online accounts niya binura. Tinanong ko yung common friends namin, wala din silang balita. Akala ko nga nakidnap ang walanghiya!
“Ilang months akong wala sa sarili. Depress-depressan ang drama ng lola mo. Muntik na akong hindi maka-graduate sa ka-aningan ko. Nung medyo nakaget-over na ako, kinalimutan ko na din siya. May isang friend ang nakapagsabi sakin na nasa Chicago na daw si puta. Kasama yung kapatid niya. Gusto ko sanang magalit pa lalo sa kanya kaya lang pagod na ako. Wala ng kwenta. Hiniling ko na lang na sana mapasama siya sa libo-libong mga taong nagsu-suicide sa Chicago!” “
“Bakti ka naman kasi umasa agad?” patuloy pa din sa pag-edit ng picture si Geoff.
"I can't help it. Mahal ko yung tao. I thought the feeling was mutual." depensa ni Paolo.
"So after niyang mawala, Ampalaya Omelette na ang kinain mo araw-araw?" pabirong sabi ni Geoff
“Puki mo! Masyado akong maganda para magbitter-bitteran sa kanya, no!”
“Tigas ng mukha mo!”
"CHEEE!!!" Tumayo su Paolo at dumerecho sa kwarto.
“Pao, samahan mo ako mamaya.” Pasigaw na sabi Geoff.
“At saan naman?” mataray pa din ang boses ni Paolo.
“Waltermart. Grocery tayo.”
“Matapos mong yurak-yurakan ang pagkatao ko, magpapasama ka sakin?”
“Sige na, arte mo naman, eh.”
“Ayoko!”
“Libre kita ng siomai” suhol ni Geoff.
“A-yo-ko!”
“Siomai tsaka drinks?”
“More!”
Si Geoff naman ang napabuntong-hininga.
“Sige na, kahit anong gusto mo!” napipilitang sabi ni Geoff.
“DEAL!”
“Basta hanggang 100 pesos lang, ha!”
“Kunat mo!”
“Magbihis ka na, maliligo lang ako saglit. Sobrang init.”
Ilang oras matapos mag grocery, umuwi ang dalawa bitbit ang mga pinamili. Nadatnan nila si Rob na nagpa-plantsa ng damit habang nagsa-soundtrip. Dinig na dinig sa apat na sulok ng unit ang kanta ni Britney na “Hold it Against Me”. May mga pagkakataong napapa-indak si Rob sa tugtog.
“Namputsa, Roberto, ano na namang kabaklaan yang pinaggagagawa mo, oh!” Bungad ni Geoff pagpasok ng pinto.
“Oi, yung ice cream ko?” deama si Rob sa komento ni Geoff.
“Nandito. Tulungan mo nga muna kami mag-ayos.”
Iniwan ni Rob ang pinaplantsa at tinulungan ang dalawa. Patuloy pa rin sa pagkanta si Britney.
Pumasok sa kwarto si Geoff matapos maiayos ang mga pinamili. Ilang saglit pa, lumabas siya ng kwarto habang nakasabit sa balikat ang towel. Naka-suot lang siya ng boxer shorts. Dumerecho siya sa CR at naligo.
Nag shave. Nag deodorant. Nag toothbrush. Nag mouthwash. Nag toothbrush ulit. Nag-ayos ng buhok. Nagbihis. Nag pabango. Tingin sa salamin. Ayos ulit ng buhok.
Lumabas siya ng kwarto, posturang-postura, habang ang dalawa ay busy sa panonood ng DVD. Si Paolo ang unang naka pansin sa kanya.
“At saan ang lakad ng baklang hitad?!” maasim na tanong ni Paolo.
“Makikipag-sex!” pabirong sagot ni Geoff. Nagpaalam siya sa dalawa at lumabas ng pinto.
Maaga siyang dumating sa Greenbelt. Tinext niya kaagad si Marco.
“Sweetie, I’m here na sa Greenbelt. See yah!”
Ilang linggo na ang nakararaan ng huli silang magkita ni Marco. Miss na miss na niya ang lalaki. Gusto niyang maging espesyal ang muli nilang pagkikita kaya naisipan niyang bigyan ito ng regalo. Oo nga pala, birthday ni Marco nung isang linggo. Hindi sila nakapagcelebrate dahil may photoshoot siya sa Batangas.
Pumunta siya sa pinakamalapit na red ribbon. Bumili ng cake. Black Forest. Sinulyapan niya ang kanyang relos. Limang minuto bago mag alas-syete. Muli siyang naglakad patungong greenbelt.
7:00pm. Wala pa rin si Marco.
7:05pm. Nakatayo siya sa harap ng Powerbooks.
7:10pm. Nagsisimula nang mag-init ang ulo ni Geoff.
7:12pm. Pina-ring niya ang phone ni Marco. Walang sumasagot.
7:15pm. Pumasok siya sa loob ng Powerbooks. Nag ikot-ikot.
7:30pm. Wala pa ring Marco.
7:35pm. Nagsisimula nang mamuti ang mata ni Geoff.
7:39pm. Tumunog ang cellphone ni Geoff. May nagtext.
“I know you’re gonna kill me for this. Something came up. Kailangan kong sunduin si Kris sa office. I can’t make it tonight. I’m so sorry. Babawi ako, Sweetie... Promise”
7:40pm. Tinawagan niya si Marco. Unattended ang phone.
7:43pm. Sumabog si Geoff. Wasak!
Magkahalong sakit ng ulo at gutom ang naramdaman niya ng mga sandaling iyon. Kaagad niyang nilisan ang Greenbelt. Pinara ang parating na taxi at bumalik sa condo.
“BLAG!”
Iniluwa ng pinto si Geoff. Halos tumagaktak ang pawis nito sa mukha. Humahangos itong pumasok sa unit. Tangan-tangan ang isang box ng cake sa kanang kamay. Nadatnan niya sina Paolo at Rob na kumakain ng hapunan. Napahinto ang dalawa sa pagkain. Napako ang tingin kay Geoff.
Saglit na katahimikan. Mabilis pa din ang paghinga ni Geoff.
“Anong nangyari?!” bulalas ni Paolo.
Tuloy-tuloy sa kwarto si Geoff. Hindi pinansin ang dalawa. Buong lakas nitong isinara ang pinto. Nagkatinginan sina Paolo at Rob. Walang kaalam-alam sa mga nangyari.
--- MAY KARUGTONG...
No comments:
Post a Comment